Vinjerock 2019: Stand up paddle

Arrangementsinformasjon

Stand up paddle

Lei av å sitte når du skal padle? Bli med på SUP då vel! SUP er nemleg ei forkortning for "Stand Up Padling" og har vorte svært så populært dei siste åra. Du står på eit digert surfbrett (Na-na-nananananaaaa) og padlar. Enkelt og greitt og ganske så genialt. God trening er det visst og. 

Tidspunkt:

  • Torsdag 17:00 - 19:00
  • Fredag 10:00 - 12:00
  • Fredag 13:00 - 15:00


SUP Safari

Laurdag arrangerer me også ein SUP-safari. Dette blir vår aller første guida SUP-tur på Bygdin! Padlerute og lengde avhenger av vêr og vind, og turen blir tilpassa etter deltakarane. På vegen finn me ein fin rasteplass og serverer kaffi og snacks.
SUP-safari passar for deg som har prøvd SUP før, eller har erfaring med kajakk  eller kano. Ta med vannflaske og tørt skift.

Kurshaldar er Hallgeir Thorbjørnsen frå 4 elements.

Tidspunkt:

  • Laurdag 11.00-14.00 (SUP Safari)


SUP-yoga

Har du lyst til å utfordre balansen på SUP-brettet? På denne økta får du prøve yoga på ein litt annan måte enn vanleg, nemleg på eit SUP-brett på sjølvaste Bygdin. 

Kurshaldar er Kaja Olsen frå 4 elements.

Tidspunkt:

  • Fredag 08:00 - 09:30 (SUP-Yoga)
  • Laurdag 09:00 - 10:30 (SUP-Yoga)


Gradering: Grøn (sjå "Restriksjoner" under)

Utstyr (gjeld alle SUP-aktivitetar):

  • Ulltøy
  • Handkle
  • Skift

Oppmøte:  DNTs turinformasjon

vinjerock
eidsbugarden
vinje
rock
jotunheimen
valdres
vang
ubekymra
sparebank
padle
padling
padlekurs

Restriksjoner

Alle påmeldingar til turar og kurs er bindande, og påmeldingsavgift blir ikkje refundert ved avmelding på noko tidspunkt. Deltakeravgifta blir derimot fullt refundert ved avlysning frå arrangørens side, uansett årsak, så lenge det ikkje er å rekne som force majeure.

Det er mogleg å overdra ei påmelding til ein annan person innan 10. juli 2019, men då må du samstundes varsle oss om dette på e-post (johanne.g.reiten@gmail.com) og oppgje namnet på den som skal nytte seg av billetten.

Bussbillettar, turar, kurs og Lavvotell kan kun tingast og nyttast av personar med gyldig festivalpass til Vinjerock.

Alle turar og kurs på Vinjerock er gradert i henhald til nasjonal standard. Set deg grundig inn i dei ulike graderingane før du melder deg på turar.

Gradering av turar og kurs:
Grøn: Koseturar i nærleik av festivalen. Korkje form eller utstyr treng vera på topp. Også kursa er stort sett gradert som grøne, då dei er lagt opp som nybyrjarkurs (sjølv om aktiviteten i seg sjølv kan vera noko krevjande).

Blå: Lengre fjellturar med utgangspunkt frå Eidsbugarden. Krev lite anna enn at du er innstilt på fjelltur og at du har med deg fjellstøvlar, turklede samt mat og drikke.

Raud: Formen bør vera grei. Du må veta at du taklar høgder og at du klarar å bevegje deg i bratt terreng både oppover og nedover. Brevandring kan vera ein del av turen.

Svart: Krevjande tur der det er bruk for både tau og sæle. Det kan òg berre vera enkel klyving og luftig rappell. Formen bør vera god. Det same gjeld knea.